|
| FADLIGA SUXUURASHADA SAACADAHA UGU DAMBEEYA EE HABEENKA (INTA RAMADAANKA LAGU JIRO) HADII AAN LAGA BAQEYN WAA BERIGA 1228. Anas A.K.R. wuxuu yiri: ‘ Nebigu (S.C.W.) wuxuu yiri: ‘ Suxuurta, maxaa yeelay waxaa ku jirta barako suxuurta.’ (Bukhaari iyo Muslim) 1229. Zayd bin Saabit A.K.R. wuxuu yiri: Mar intaan Nebiga (S.C.W.) la suxuurannay waaberiga ka hor (iyadoo bil Ramadaan Soon lagu jiro) baanu dabadeed salaaddii subax u kacnay. Waxaa la weydiiyey Nebiga (S.C.W.) intii u dhexaysey labadaa suxuurta iyo salaadda? Wuxuu yiri: ilaa intii laga akhriyo konton Aayadood oo Qur’aanka ka mid ah. (Bukhaari iyo Muslim) 1230. Ibn Cumar A.K.R. wuxuu sheegay in Nebigu (S.C.W.) uu lahaa laba Mu’addin oo kala ahaa Bilaal A.K.R. iyo Ibn Umm Maktuum A.K.R. Nebigu (S.C.W.) wuxuu yiri: ‘ Bilaal A.K.R. wuxuu adimaa goor hore iyadoo weli habeenimo ah. Sidaa awgeed iska cuna oo iska cabba ilaa uu Umm Maktuum (A.K.R.) addimo. Wuxuu yiri: Waxay ahayd xaqiiqdii waqti yar intii u dhaxeysey labadaa markii mid soo degey oo kan kale fuulay sarta sare. (Bukhaari iyo Muslim) 1231. Cumar bin al-Caas A.K.R. wuxuu yiri: Nebigu (S.C.W.) wuxuu yiri: ‘ Waxaa keliya uu kaga soocan yahay ama farqi ah u dhexeeya soonkeenna iyo soonka ehlu-Kitaabka waa Suxuurta, (Waxaa loo la jeedaa Kiristaanka iyo Yuhuuda ee aan suxuuran). (Muslim) | Baro Diinta Live Macalin Adoo Gurigaaga jooga
Islamic Links
|
|
